Þó að afgreiðslutíminn á sérsaumi sé 4 vikur mælum við alltaf með 6-8 vikum fyrir tilefni eins og brúðkaup. Það er alltaf betra að vera tímanlega og alls ekki óalgengt að menn komi í mælingu 3-6 mánuðum fyrir stóra daginn.

Við höfum hjálpað þúsundum brúðguma að líta sem best út á stóra deginum og getum ráðlagt þér í gegnum allt ferlið. Við hjálpum þér að velja hin fullkomnu jakkaföt þar sem við tökum bæði mið af árstíma, stemmingu í brúðkaupinu sem og notagildi í framhaldinu. Það eru allir velkomnir í heimsókn á opnunartíma til að spjalla við okkur um möguleikana.

Við bjóðum upp á mikið úrval efna sem henta fullkomlega fyrir smóking og höfum á síðustu árum saumað fjöldan allan af smókingum fyrir brúðkaup og önnur tilefni. Hjá okkur færðu einnig sérsaumaðar smókingskyrtur auk allra aukahluta sem þú þarft til að fullkomna útlitið.

Já, frá og með 2026 getum við sérsaumað jakkaföt á börn niður í tveggja ára aldur. Sérsaumuð barnaföt kosta frá 79.995 krónum og eru fáanleg í flestum okkar efnum.

Já, við tökum á móti hópum í mælingar ef fjölskyldan eða vinahópurinn ætlar að fá sér föt fyrir brúðkaupið og hefur það verið vinsælt síðustu ár.